Loading...
Today Trending

औषधि गर्न जान्छु भनी ३ वर्ष अघि हिँडेका श्रीमान खोज्दै श्रीमती र छोरा मिडियामा (भिडियो हेर्नुहोस)

नवलपरासीको बडहरा, मिलनचौकका मोतिलाल न्यौपाने करिव ३ वर्ष अघि अस्पताल जान्छु भनी घरबाट हिडेका थिए । नसा सम्बन्धि बिरामी मोतिलाल औषधि खान थालेको केही वर्ष भएको थियो । त्यही अनुसार घरबाट औषधि लिन जाने भनी बुटवल गएको उनकी श्रीमती नेत्रकलाले बताईन । तर औषधि गर्न भनी हिडेका श्रीमान घर नफर्किएको ३ वर्ष पुगिसकेकी उनी बताउँछिन । आफुहरुले सम्पुर्ण ठाउँ खोजी गरेको उनको भनाई छ । अहिलेसम्म केही पत्ता नलागे पछि आफुहरु मिडियामा आएको उनले बताईन ।

सामान्य रुपमा सबै कुरा राम्रै परिवारमा चलेको र केही पनि खासै अभाव नभएकोले घर परिवारकै कारणले घर छोडेर हिडेको भन्ने ठाउँ नरहेको उनका छोरा कृष्णप्रसाद न्यौपानेले बताए । अहिलेसम्म आफुले थाहा पाए अनुसार घरमा तथा बाहिर बुबाको एक पटक पनि बिबाद नभएको र समाजमा पनि सबैसगँ राम्रो सम्बन्ध रहेको उनले बताए । अहिले समाजमा पनि यस्तो राम्रो मान्छे कसरी घर छोडेर हरायो भनेर सबै अचम्मित भएको उनले बताए । कसैले केही गर्यो कि भन्ने सबैले आशंका गरेको उनको भनाई छ ।

घरबाट बुटवल भनी हिडेको केही समय पछि फोन सम्पर्क गर्दा आफू अस्पतालमा लाइनमा बसेको र यहाँ काम सकिए पछि आफै फोन गर्ने भनी अन्तिम पटक त्यही नै कुरा भएको उनकी श्रीमतिको भनाई छ । आफुहरुले पनि बेलुकासम्म आउनुहुन्छ भनी अरु केही नसोचेको उनिहरुको भनाई छ । तर बेलुकासम्म घर पनि नआएको र सम्पर्क पनि नगरे पछि आफुहरुले फोन गर्दा फोनमा सम्पर्क हुन नसकेको उनिहरुले बताए । त्यसपछी आफन्तलाई भन्दा अब कतै बस्नु भयो कि भनी भोलि पनि सम्पर्क नभए खोजी गर्ने भनी त्यस दिन बसेको उनकी श्रीमतिको भनाई छ ।

तर भोलिपल्ट पनि मोबाइलमा कुनै सम्पर्क नभए पछि भने खोजि गर्न थालेको नेत्रकला बताउँछिन । स्थानीय छिमेकी सम्पुर्णले करिव १०/१५ दिनसम्म सबै तिर खोजी गरेको उनको भनाई छ । मोतिलाल हराएको भोलिपल्ट नै मोबाइलको लोकेसन हेर्दा त्रिबेणि सुस्ता तिर देखाएको उनका छोराको भनाई छ । त्यसपछी आफुहरुले उक्त स्थान सबैतिर खोजी गर्दा पनि केही पत्ता लगाउन नसकेको उनिहरुको भनाई छ । परिवारका सदस्य मात्र नभै सम्पुर्ण समाजले नै खोजिमा सहयोग गरेको उनको भनाई छ ।

उनिहराएको करिव १ वर्ष पछि भने उनको फोन लागेको उनिहरुको भनाई छ १ दिन मात्र लागेको उक्त फोनमा एक जना तराईमुल को भाषा बोल्ने महिलाले फोन उठाएर यो आफ्नो श्रीमानको फोन हो भनी भनेको नेत्रकलाले बताईन । ती महिलाले भैरहवा बिमानस्थल नजिकै आफुहरुको घर भन्दै यो आफ्नै नम्बर भएको बताईन । तर उक्त नम्बर हेर्दा मोतिलालकै नाममा रहेको र कल लोकेसन हेर्दा भने ती महिलाले भनेको भैरहवा नभै देबघाट तिर देखाएको उनिहरुको भनाई छ । त्यसपछी भने उक्त नम्बर बन्द रहेको उनिहरुले बताए ।

Leave a Reply

Your email address will not be published. Required fields are marked *