Loading...
Share Market News

सर्वोच्च अदालतले नेपाल बंगलादेश बैंकलाई यस्तो आदेश !

काठमाडौं । सर्वोच्च अदालतले नेपाल बंगलादेश बैंकलाई आइएफआइसीको शेयर खरिद प्रकृयाँ रोक्न आदेश दिएको छ । बैंकका संस्थापक शेयरधनी मोतीलाल दुगडले हालेको मुद्दालाई सुनुवाइ गर्ने

क्रममा न्यायाधिस रामचन्द्र पौडेलको एकल इजलासले ‘सेयर बिक्री गर्ने कार्य नगर्नु नगराउनु’ भन्दै आदेश दिएको हो । सर्वोच्चले सात दिनभित्र विपक्षी नेपाल बंगलादेश बैंकलाई लिखित जवाफ पेश गर्न निर्देशन दिएको छ ।

दुगड समुहले आफूसँग भएको सम्झौता विरुद्ध आइएफआइसी बैंकले नेपाल बंगलादेश बैंकको स्वामित्व अर्कै पक्षलाई बिक्री गर्ने तय भएपछि दुगडले अदालतमा मुद्दा हालेको थियो ।

आइएफआइसीको स्वामित्वमा रहेको सेयर विनोद चौधरी अध्यक्ष रहेको चौधरी समूहले खरीद गर्न लागेको थियो । विनोद चौधरीको श्रीमति सारिका चौधरीको नाममा सेयर खरीद गर्ने सम्झौता भएको थियो ।

दुगड समूहले केही दिन अघि नेपाल बंगलादेश बैंक, आइएफआइसी र नेपाल राष्ट्र बैंकलाई विपक्षी बनाएर काठमाडौं जिल्ला अदालतमा मुद्दा हालेको थियो। दुगड समूहले राष्ट्र बैंकको नियमन विभागमा पनि यस सम्बन्धमा उजुरी गरेको थियो।

दुगड समुहले नेपाल बंगलादेश बैंकको ३ करोड ६८ लाख २७ हजार ४२६ कित्ता सेयर १५७ रुपैयाँका दरले खरीद गर्न ३१ मार्च २०२१ मा राखिएको प्रस्ताव स्वीकार गरी

विपक्षीबाट २ अप्रिल २०२१ मा स्वीकृत गरी करार कार्य अगाडि बढिसकेको भन्दै नेपाल राष्ट्र बैंकमा पनि उजुरी हालेको छ । उजुरीका साथै सर्वोच्चमा पनि मुद्दा दायर गरिएको थियो ।

Leave a Reply

Your email address will not be published. Required fields are marked *